Intervista a Andrea Granitzio e Emanuele Contis. di Tore Cubeddu

ALLA FINE DELL'ARTICOLO LA TRADUZIONE IN ITALIANO

Cando ancora in su cinema italianu s'iscenegiadura fiat iscrita segundu su formadu in duas colonnas (comente in su fòlliu a protocollu de sas iscolas superiores), una visiva e s'àtera sonora, su nòmene e su ruolu de sa “colonna sonora”, finzas in sa pàgina, fiat craru.

Como, cando si leghet una iscenegiadura a "s'americana", sos sonos e sa mùsica non sunt postos in evidèntzia e puru, oe prus de eris, totu sas pellìculas tenent unu acàpiu mannu a sos sonos e a sas compositziones chi nde acumpàngiant su ritmu.
Cantos film sunt abarrados istòricos pro more de sas mùsicas chi nde ant acumpangiadu sas immàgines? Pentzade a "The Graduate" cun sas musicas de Simon e Garfunkel, a "Philadelphia" cun sas mùsicas de Bruce Springsteen, a "The Godfather", a sos sonos de Badalamenti in "Twin Peaks".
In Sardigna de composidores bravos meda chi traballant in su cìnema nde at semper de prus: Stefano Guzzetti, Frantziscu Medda, Mauro Palmas, Emanuele Contis, Andrea Granitzio e àteros.
Chida passada, in su Skepto Film Festival, est istadu presentadu su film nou de Jacopo Cullin, chi semper de prus est afirmandesi comente regista cinematogràficu, non solu comente atore. Sas mùsicas ispantosas de custu traballu nou de Cullin sunt de Contis e Granitzio, duos musitzistas bravos meda, chi in custos annos si sunt fatos a connòschere pro sas collaboratziones de importu e cun su discu "Àghera".

A issos amus preguntadu ite cheret nàrrere oe a fàghere mùsicas pro su cìnema.
Emanuele: A fàghere mùsica oe est una impresa chi tocat a bi tènnere coràgiu meda, a fàghere mùsica pro sas immagines, duas bortas. Ma si est una de sas cosas chi t'agradat a fàghere, chircas de la fàghere a sa mègius manera. Custu cheret nàrrere finas ca tocat a gherrare pro otènnere sos reconnoschimentos giustos, ischende ca in Sardigna su setore audiovisivu diat a èssere una resursa de importu mannu.

Tenides modellos chi bos ispirant in su traballu chi faghides?
Andrea: Sos mastros sunt Rota, Morricone, J.Williams e sos chi ant cambiadu su ruolu de sa mùsica a intro de s'indùstria cinematogràfica. A issos tocat su mèritu mannu de àere iscritu temas gasi bellos de los fàghere èssere indipendentes dae sas immàgines. Antzis, registas meda depent a sas mùsicas  parte de sa glòria insoro.

Cantu contat una mùsica bella in unu film?
A: Pro chie iscriet mùsica? Est a fundamentu! Sa mùsica diat a dèpere contare su chi non si podet nàrrere, podet caraterizare una iscena in maneras opostas, creare tensione o distensione, fàghere èssere drammàtica o còmica una iscena, o a s'imbesse.

Una mùsica iscrita bene, e prus che totu iscrita pro su film, si depet intritzare cun sas immàgines, gasie comente sos personàgios intrant in relatzione intre issos in s'isvilupu de su film.
E: Provade a abbaidare "Shining" in s'iscena de su corridòiu e a cambiare sos arcos in su sutafundu cun una polka e a pustis ais a tènnere sa dimostratzione de cantu contat sa mùsica giusta.

Cantu est reconnotu, in onni sensu, su ruolu de chie iscriet sas mùsicas?
A: Solu a livello artos, si nono est difìtzile a tènnere cunsideratzione, a s'ispissu sa mùsica est bida prus comente mèdiu pro sighire sos diàlogos o acumpangiare paisàgios. Sa cosa prus fàtzile est duncas a pònnere mùsicas chi esistint giai o chi non tenent relatzione peruna cun sas immàgines (su chi importat est a non tènnere mudìmine). Cando sutzedet custa cosa est su film a nde pagare sas consighèntzias. Nois amus tentu sa fortuna manna de traballare cun registas sensìbiles a custu aspetu e amus cumpònidu mùsicas solu a pustis de àere chistionadu, a bortas discùtidu, subra chistiones chi pertocant a sos personàgios o s'isvilupu de s'istòria contada dae sas immàgines. Creo chi custa siet s'ùnica manera pro fàghere torrare paris immàgines e mùsica.

A fàghere su musitzista campandesi, in custu tempus, est difìtzile meda. Esistint prospetivas professionales in custu setore?
E: Tzertu ca esistint, nde so seguru. Su traballu nostru est finas cussu de mustrare semper s'importàntzia de fàghere cultura e sa possibilidade chi b'est de fàghere girare s'economia paris a s'arte. S'ùnica àndala est cussa de traballare castiende a in antis e semper a sa mègius manera pro pòdere ofèrrere unu produtu chi siet su mègius possìbile. Prima o a pustis su traballu at a èssere pagadu.

Cantu diat a contare a sighire a fàghere sistema in su setore artisticu, de sa mùsica e de sos audiovisivos pro garantire a possibilidades de traballu a totus e ite si diat a pòdere fàghere?
E: In su setore nostru, mancari in piticu, semus giai aplichende su sistema de sa retza. Sa carriera musicale chi nos at fatu a connòschere musitzistas meda e sa funtzione nostra de èssere nou, nos permitet de nos pònnere in collegamentu cun personas meda chi mancari non diant àere pigadu parte a tzertos progetos, e mancari diant èssere abarradas in su setore insoro. Custu permitet de ofèrrere prus calidade in su produtu finale. Est comente chi siet una bistimenta fata a mesura.
Pro cantu pertocat a su setore de audiovisivu, semus giai in una retza de atores, registas, musitzistas, fotografos e artistas chi tenent unu talentu mannu e una visione crara de su chi si diat a pòdere fàghere. Su chi mancat est su reconnoschimentu giustu pro su traballu nostru, su chi nos diat a permìtere de sighire a cumbàtere e non si nche andare dae inoghe.

De cale film bos fiat piàghidu a iscrìere sas mùsicas?
Nos fiat piàghidu a iscrìere sas mùsicas de “The Lord of the Rings”, ma at fatu unu traballu gasie bellu su senn. Howard Shore chi diat a èssere unu pecadu a las cambiare.

Pro cale autore contemporàneu bos diat piàghere a traballare.
In Itàlia nos fiat piaghidu  meda a traballare a sas mùsicas de "La Grande Bellezza" de Sorrentino: cando una istòria est cumplicada, s'isfida est a resèssere a agatare su filu musicale lineare.
Autore "istràngiu" Pedro Almodovar o finas Krzystof Kieslowsky (autore, intre sas àteras cosas, de sa trilogia "Film Blu", "Film Bianco" e "Film Rosso") mancari chi siat mortu in su ’96.



---

La colonna sonora

Intervista a Andrea Granitzio e Emanuele Contis. di Tore Cubeddu

Quando ancora, nel cinema italiano, la sceneggiatura era scritta secondo il formato in due colonne, una visiva e l'altra sonora, il nome e il ruolo della “colonna sonora”, anche nella pagina, era chiaro. Ora, quando si sfoglia una sceneggiatura “all'americana”, i suoni e la musica non sono in evidenza, tuttavia, oggi più che in passato, tutti i film hanno un forte legame con i suoni e le composizioni che ne accompagnano il ritmo. Basti pensare a quanti film sono entrati nella storia per via delle musiche che ne hanno accompagnato le immagini: "The Graduate" con le musiche di Simon e Garfunkel, "Philadelphia" con le musiche di Bruce Springsteen, "The Godfather", i suoni di Badalamenti in "Twin Peaks".
Anche in Sardegna i sono sempre più compositori di grande qualità che lavorano nel cinema: Stefano Guzzetti, Frantziscu Medda, Mauro Palmas, Emanuele Contis, Andrea Granitzio e molti altri.
La scorsa settimana, allo Skepto Film Festival, è stato presentato il nuovo film di Jacopo Cullin, che si sta affermando sempre più come regista cinematografico, oltre che come attore. Le musiche meravigliose di quest'opera di Cullin sono di Andrea Granitzio e Emanuele Contis, due musicisti eccezionali, che in questi anni si sono fatti conoscere con diverse collaborazioni importanti e con il disco Àghera.

A loro abbiamo chiesto cosa significa oggi fare musica per il cinema.
Emanuele: Fare musica oggi è un impresa molto coraggiosa, fare musica per immagini poi, lo è due volte. Ma è tra quelle cose che ami fare e che, quindi, cerchi di fare nel modo migliore possibile. Questo vuol dire anche portare avanti ogni giorno la battaglia per ottenere i giusti riconoscimenti, con la consapevolezza che in Sardegna il settore audiovisivo sarebbe una risorsa importantissima.

Avete dei modelli di riferimento?
Andrea: I maestri sono Rota, Morricone, J.Williams e gli altri che hanno cambiato il ruolo della musica nell’industria cinematografica. A loro il grandissimo merito di aver scritto temi tanto belli da renderli indipendenti dalle immagini. Anzi molti registi devono alla loro musica gran parte del proprio successo.

Quanto conta la musica in un film?
A: Per chi scrive musica? Fondamentale! La musica dovrebbe raccontare il “non detto”, può caratterizzare una scena in modi opposti, creare tensione o distensione, rendere drammatica una scena comica o viceversa.  Una musica ben scritta, e soprattutto scritta per il film, deve intrecciarsi con le immagini così come i personaggi si relazionano tra loro nello sviluppo del film.
E: Provate a guardare "Shining" nella scena del corridoio e a sostituire gli archi stridenti in sottofondo con una polka e avrete una dimostrazione di quanto conti la musica giusta.

Quanto è riconosciuto, in ogni senso, il ruolo di chi scrive le musiche?
A: Solo ai massimi livelli, per il resto è difficile avere considerazione, spesso la musica è intesa come tappabuchi tra un dialogo e l’altro o per accompagnare paesaggi. La cosa più facile è quindi mettere musiche preesistenti oppure dei temi che spesso non hanno alcuna relazione con le immagini (l’importante è non avere silenzio). Quando questo accade è proprio il film a pagarne le conseguenze. Noi abbiamo avuto la fortuna di lavorare con registi sensibili a questo aspetto e abbiamo composto le musiche solo dopo aver dialogato, talvolta discusso, su dettagli e sfumature legate ai personaggi e allo sviluppo della storia raccontata dalle immagini. Credo sia questo l'unico modo efficace per far combaciare immagini e musica

Essere musicista e vivere di questo lavoro, di questi tempi, è molto difficile. Esistono prospettive professionali in questo settore?
E: Certo che esistono, ne sono sicuro. Il nostro lavoro è anche quello di dimostrare continuamente l’importanza di fare cultura e il ritorno economico che ne deriva ogni volta che fai girare l’arte. L’unica via è quella di lavorare a testa bassa e sempre al meglio per offrire il miglior prodotto possibile. Prima o poi il duro lavoro pagherà.

Quanto è importante fare sistema nel settore artistico, nell'ambito della musica e dell'audiovisivo, al fine di garantire opportunità di lavoro a tutti e cosa si potrebbe fare?
E: Nel nostro piccolo settore stiamo già applicando il sistema “rete”. La carriera musicale ci ha portati a conoscere un’infinità di musicisti e la nostra funzione di “nodo” ci permette di mettere in collegamento molte persone che difficilmente avrebbero preso parte a certi progetti, rimanendo magari legate al proprio settore specifico. Questo offre sicuramente una maggiore qualità del prodotto finale. E’ come un abito su misura.
Per quanto riguarda il settore audiovisivo, siamo già una rete tra attori, registi, musicisti, fotografi e artisti con un talento enorme e con la visione chiara di quello che si potrebbe fare. Quello che manca è il giusto riconoscimento per il nostro lavoro, per combattere ogni giorno l’idea di mollare tutto e andare via da quì.

Di quale film vi sarebbe piaciuto scrivere le musiche?
Ci sarebbe piaciuto scrivere le musiche per “The Lord of the Rings” ma ha fatto un lavoro talmente bello il sig.Howard Shore che sarebbe un peccato cambiarle.

Per quale autore contemporaneo vi piacerebbe lavorare?
In Italia, non ci sarebbe dispiaciuto lavorare alle musiche della Grande Bellezza di Sorrentino: quando una storia è complessa, la sfida è riuscire a trovare un filo conduttore musicale lineare.
Autore "straniero" Pedro Almodovar o anche Krzystof Kieslowsky (autore, tra le altre cose, della trilogia "Film Blu", "Film Bianco" e "Film Rosso") anche se deceduto nel ’96.

16 aprile 2014