Stampa

''Arcipelaghi'' de Giovanni Columbu

de Tore Cubeddu

''Arcipelaghi''Arcipelaghi, pigadu dae su romanzu de Maria Giacobbe est unu film ispantosu. Contat una istòria forte meda, in ue ogni persona paret chi bivat in un'ìsula sua, a sa sola.

Fàulas, cosas non nadas, mùdimine e arrore, cando su baulu de su pipiu, mortu bochiudu, passat in mesu a sa gente in festa. Ballos de cartolina e dinàmicas de una bidda sarda a mesu tretu intro de trassas antigas e modernidade sunt immàgines chi abarrant frimmas in sa memòria. Giovanni Columbu est unu regista chi tenet una sensibilidade manna, sa capatzidade de dirìgere sos atores non/atores in mundos dilicados, in ue espressividades minimales lompent a causare emotziones mannas meda.

''Arcipelaghi''Arcipelaghi at abertu un'andala noa in su tzìnema sardu, ca l'at fatu in sardu, faghende intrare sa limba a manera normale in s'istrutura drammatùrgica de unu contu filmadu. In custa pellìcula su sardu no est solu istrumentale o ocasionale, est parte de s'istrutura de su film, de su sentidu sou. In sos faeddos de sos personàgios si ischerant elementos narrativos de importu chi podent èssere nados solu in sardu e pro custu benint a èssere parte de s'espressividade issoro. In prus, sa tecnica de montàgiu e sa fotografia, ponent custu film a unu livellu artu meda de calidade. Arcipelaghi est, de deretu, unu babbu mannu de su tzìnema sardu.

29 dicembre 2014