Moviementu, su manifestu
ALLA FINE DELL'ARTICOLO LA VERSIONE IN ITALIANO
Custa chida, pentzende a su tempus chi at a bènnere e a s'importàntzia chi at a tènnere pro sa crèschida culturale de s'ìsula nostra su tzìnema, amus detzìdidu de publicare su manifestu de Moviementu, s'assòtziu de sos operadores de su tzìnema de sa Sardigna. Pro sa prima borta, sos professionistas de su tzìnema si sunt postos paris pro otènnere su reconnoschimentu de su traballu issoro, pro sa prima borta ant detzìdidu de unire sas fortzas issoro, de gherrare pro chi su tzìnema e s'arte chi b'est in siant postos in s'agenda polìtica, econòmica e industriale de sa Sardigna.