''Panas'' de Marco Antonio Pani
de Tore Cubeddu
Marco Antonio Pani est unu regista de importu mannu in su tzìnema sardu. Mancari chi no apat firmadu ancora unu longumetràgiu de fiction, ca in totu sos traballos chi at fatu at postu sa chi si narat “cifra stilistica” sua. In custu film curtzu Marco Antonio Pani mustrat una capatzidade ispantosa de contare, mancari in pagu tempus, istòrias de profundidade manna, capatzas de intrare in s'ànima de sos personàgios cun realismu e in su matessi tempus cun delicadesa.