Percorso

Tue cumintza... a pustis s'at a bìere

a incoru de Tore Cubeddu

Lino Banfi, ''Vai avanti tu che mi vien da ridere''ALLA FINE DELL'ARTICOLO LA TRADUZIONE IN ITALIANO

L'ammentades a su film Vai avanti tu che a me vien da ridere de Capitani, cun Lino Banfi in suruolu de su commissàriu Bellachioma? Est unu film ispassiosu meda e su tìtulu contat bene su chi est capitende in Sardigna (e non solu) pro more de su patu de istabilidade. L'ischides. 

Nde faeddant totus dae annos. Dae su tratadu Maastricht a oe, totu sos istados de sa UE depent abarrare intro de su 3% de su dèpidu. Custu patu at custrintu sos istados a controllare sa programmatzione e s'ispesa. Onni istadu podet pònnere règulas suas pro chistire su patu, segundu sa normativa interna sua.

Pro sas regiones italianas, finas sas a istatutu ispetziale, b'est duncas su “tetto di spesa”, cheret nàrrere chi non podent ispèndere prus de su chi est istabilidu in antis e a tenore de sas urgèntzias chi bi sunt. Finas a inoghe totu bene e podet pàrrere finas giustu. Ma b'at unu problema. Sas ispesas chi intrant in su patu custringhent sas regiones, e duncas finas sa Regione sarda, a seberare a ite donare prioridade. Podides immaginare cale podet èssere su postu de sa cultura e de sos traballadores de su setore.

Lino Banfi, ''Vai avanti tu che mi vien da ridere''Est propriu pro custa resone chi m'atrivu a iscrìere custu articuleddu. Ca su mundu de sa cultura in Sardigna est agabende sas fortzas suas. Ca si est beru chi cando b'est de si bantare de sa richesa e de s'importàntzia de sa cultura sa polìtica faghet a gara pro su mustrare in prima pàgina in sos giornales, est prus beru ancora chi in totu sos setores – pro muntènnere su patu cun s'istadu e permìtere a s'istadu de lu mantènnere cun s'Europa – sa RAS sighit a investire sena de nde tènnere sos mèdios. Su dinare chi donat est fintu cantu sos bisos de una famìllia mèdia chi disìgiat una cughina e si dda comporat ischende ca tantu, mancari non si la potzat permìtere, l'at a pagare a pustis de una pariga de annos (cando at a tènnere su dinare).

A sa matessi manera, sa RAS sighit a fàghere bandos, a promòvere initziativas chi abarrant in paperi pròpriu comente cudda cughina. Bastat a abbaidare ite fine ant fatu in passadu sos finantziamentos de su cìnema o de su teatru e a ite puntu sunt sos de su 2012 e sos de su 2013. Bastat a bìere in ue sunt sos finantziamentos de sa limba sarda de duos annos a como e provare a immaginare cando ant a lòmpere sos de ocannu. Gasi est. Una cadena est, e sos traballadores nde carrant su pesu in palas.

Francesco PigliaruComente faghet unu traballadore a bìere su guadàngiu de su chi at fatu a pustis de duos e tres annos? Comente faghet a campare una famìllia, ite podet nàrrere a sos fìgios? Est custu su puntu. In su traballu non balet a nàrrere “Tue cumintza... a pustis s'at a bìere”. No est unu giogu e s'amministratzione pùblica lu diat a dèpere cumprèndere prima de cale si siat àteru cristianu. E tando, cumintzamus a fàghere torrare sos contos (finzas ca medas los amus antitzipados), totu sos sardos paris, faghimus bàlere su chi semus e ischimus fàghere, finas faghendenos donare su chi giai amus traballadu, su chi nos ispetat, ca l'amus guadangiadu.

Pigliaru, como, tocat su turnu de s'istafeta, ca sos sardos su tretu insoro l'ant fatu. E non faghet a istentare meda, ca onni die, pro more de su tempus pèrdidu a fàghere torrare contos atesu meda dae inoghe, serrant impresas mannas e piticas chi de contos non nde resurtant a fàghere prus. Nois semus andados in antis, pròpiu comente in su film de Banfi. Ma pro chie est in segus abarrat pagu cosa de rìere, ca cando su frùmene cumintzat a nche tragare sas fògias, bi ponet pagu a nche tragare truncos mannos puru.

 


Tu intanto inizia... poi si vedrà

di Tore Cubeddu

Ricordate il film “Vai avanti tu che a me vien da ridere” di Capitani, con Lino Banfi nel ruolo del commissario Bellachioma? E' un film molto divertente e con un titolo che racconta bene quello che sta succedendo in Sardegna (e non solo) per quanto riguarda il Patto di Stabilità.

Ne parlano tutti da anni. Dal trattato di Maastrict a oggi, tutti gli stati dell'Unione Europea devono rimanere entro il 3% del debito. Questo patto ha costretto gli stati a controllare la programmazione e la spesa. Ogni anno possono mettere regole proprie per gestire il patto, secondo una loro normativa interna. Per quanto riguarda le regioni italiane, persino quelle a statuto speciale, c'è un “tetto di spesa”, che dice che non si può spendere più di quello che è stato stabilito prima e in base delle urgenze che ci sono. Fino a qui tutto bene e potrebbe sembrare anche giusto. 

Ma c'è un problema. Le spese che rientrano nel patto costringono le regioni, e quindi anche la Regione Sardegna, a decidere a chi dare la priorità. Potete immaginare quale può essere il posto della cultura e dei lavoratori di questo settore.

E' proprio questa ragione che mi spinge a scrivere quest'articolo. Il mondo della cultura in Sardegna è ormai sfinito. Se è vero che quando ci si deve vantare della ricchezza e dell'importanza della cultura, la politica fa a gara per mostrarsi in prima pagina sui giornali. E' più vero che tutti i settori – per mantenere il patto con lo Stato e permettere allo Stato di rispettare quello con l'Europa – la Regione Autonoma della Sardegna continua a investire senza averne i mezzi. I soldi che danno sono finti quanto i sogni di una famiglia media che desidera una cucina e che la compri, anche se non se la può permettere, sapendo già che la pagherà tra due o tre anni (quando avrà i soldi). Alla stessa maniera, la RAS continua a fare bandi, a promuovere inizative che rimangono sulla carta proprio come quella cucina.

Basta guardare che fine hanno fatto in passato i finanziamenti per il cinema o per il teatro e a quale punto sono quelli del 2012 o del 2013. Basta vedere dove sono i finanziamenti per la diffusione e promozione della lingua sarda di due anni a questa parte e provare a immaginare quanto sono arrivati quest'anno.

E' una catena, e i lavoratori ne portano il peso sulle spalle.

Come fa un lavoratore a vedere un guadagno di quello che ha fatto dopo due o tre anni? Come fa una famiglia a campare? Cosa si racconta ai propri figli?

E' questo il punto. Nel lavoro non vale dire "Tu inizia... e poi si vedrà". Non è un gioco e l'amministrazione pubblica lo deve capire prima prima di qualunque altra persona. E quindi, iniziamo a far tornare i conti (visto che molti li abbiamo anticipati). Facciamo valere quello che siamo e sappiamo fare, fino a farci dare quello che abbiamo già lavorato, quello che ci spetta, quello che abbiamo guadagnato. Pigliaru che faccia la sua parte perché i sardi hanno già fatto la loro. E non si può ritardare ulteriormente, ogni giorno, per via del tempo perduto a far tornare i conti, non tanto lontani da qua, chiudono le grandi e piccole imprese che di conti non riescono a farne più. Noi siamo andati avanti, proprio come nel film di Banfi. Ma per chi è indietro rimane poco da ridere, che quando il fiume comincia a portar via le foglie le foglie, ci mette poco a trascinare con sé anche i rami più grossi.

 

8 maggio 2014

Powered by CoalaWeb

Accesso utenti e associazioni