Percorso

Dae sa Sardigna a su Giapone: biàgiu intre duas ìsulas cun Enrico Ciccu

Traduzioni di Tore Cubeddu - Arribat dae Casteddu andende a Tokyo: “In fines mi potzo sètzere a su cumputer meu e isculuvitare pixel colorados”. de Monica Galloni

Enrico CiccuEnrico Ciccu est unu diretore creativu, creativu meda. In s’imperu de su Sole Arbeschende at agatadu sa domo sua, in una realidade diferente meda dae cussa chi s’est lassadu a palas. Ma isse assegurat: “Inoghe giai non m’infado!”

Enrico, in antis de totu ti pedo de ti presentare a sos letores nostros.

Salude Cinemecum, so Enrico. O Ciccu. O CQ, comente lis agradat a sos amigos meos chi mi tzèrriant gasi in Facebook. So cussu chi si podet mutire a sa ladina unu diretore artìsticu, est a nàrrere cussa figura misteriosa chi manìgiat – pro su chi mi pertocat -  sa chistione visiva de unu produtu, indicat sas règulas pro su visual a pustis de s’istùdiu de unu marcu e de su target, sèberat sas pessones bonas a bi traballare, las coòrdinat, a s’ispissu bi traballat isse etotu o s’afainat in su protzessu creativu. Pro su prus traballo cun illustradores, fotògrafos, cameramen, gràficos, web coders totu figuras diferentes chi serbint a sa produtzione-postprodutzione. Chi naradu gosi paret una cosa istravanada, ma pro de beras traballas prus de sos àteros e a fitianu depes mediare tra unu cliente balosso e un’isperighedda creativa chi si bastat a s’artista. Inoghe in Tokyo traballo che diretore creativu pro E-Talentbank, una sotziedade chi traballat pro su music management e chi tenet un parte internatzionale ativa meda e chi pro su prus faghet Lookalization, est a nàrrere s’adatamentu de unu artista o de unu produtu dae su Giapone a s’èsteru e a s’imbesse. In su discansu (pagu) sigo sos progetos meos fotogràficos e vìdeu: so faghende girare unu traballu fotogràficu (sa mustra imbeniente e in intro de su Behance Japan Portfolio Review(https://www.behance.net/gallery/20739525/Behance-Japan-Portfolio-Review-6), progetu seberadu intre de sos 30 mègius in su 2014, e so acante de girare unu vìdeu isperimentale pro unu artista indipendente de mùsica eletrònica. Naramus chi non m’infado, mi’.

''Tokyo Inside''Conta·nos cales sun istadas sas cajones chi tant giutu a ti nche mòere, si est istadu a istruncadura o si est una cosa meledada in su tempus.

E bella mea, bella mea! Sa cajone fiat una, est una, e at a èssere semper una! Chèrgio traballare. Bògio fàghere cussu chi isco a fàghere e chi mi paghent pro su chi fatzo. Non cherio traballare a pitzu de contos, faturas, sighire so depidores, fuire dae sos  creditores ca non rennesco a buscare so depidores, a m’ammachiare intre IVA, INPS, IRPEF, fàghere pèrdere 10 annos de vida a sa commertzialiste de primore mea (s’ànghelu Dut Usai). Deo bògio petzi a mi sètzere a su computer meu e isculivitare sos pixel colorados. Bastu. A pustis de su master in Milano so intradu che stagista a E-Tree in Treviso, chi in su 2001 fiat s’azienda leader in su web design e multimèdia. In cue mi so formadu, apo imparadu, peroe su bisu meu fiat cussu de apèrrere una E-Tree in Casteddu. Apo apertu s’istùdiu in su 2003, Uzzupink Studio, apo traballadu pagu ma bene (e isballiadu pro inesperièntzia organizativa), in su 2007 s’istùdiu l’at pigadu totu Tiscali pro su progetu IPTV chi at duradu nemmancu 2 annos, depo nàrrere 2 annos bastante bellos in ue creia chi a sa finaaia pòdidu cumentzare a pensare de pònnere carchi cosa a banda -  e posca sa sensatzione galana de èssere in unu progetu pionerìsticu. A pustis nemmancu 2 annos sa nova mala de su faddimentu: milliones de èuros fuliados in su nudda, gastados male, e cada unu a domo sua. Tando cun sos àteros de sa IPTV in su 2009 apo creadu Shibuya, una de sas realidades prus de interessu e premiada paritzas bortas (dae su Preèmiu Web Italia de su 2010 a àteros cuncursos e prèmios bintos cun curtzumetràgios animados e nono de Peter Marcias e Paolo Zucca – eja, b’amu traballadu nois). Posca tra paritzos problemas, sa crisi chi tenimus totus in costas, apo seberadu de mi nch’andare e torrare a comintzare. Apo lassadu Shibuya e apo castiadu a indùrriu. In s’interis de su perìodu de oronos aiant pigadu comente partner creativos dae E-Talentbank pro more de unu vìdeu chi aia giradu pro issos. Aiamus traballadu pro issos pro 3 annos, cun biàgios fitianos in Giapone, finas a cando aia seberadu de fàghere unu machiore: m’apo bèndidu totu, apo dade sa domita a pesone, e so partidu in Giaponea fàghere una proposta a su mere de ETB. Beh, at naradu ca emmo, e immoe so inoghe.

Enrico Ciccu, set lavorativiComente est istadu a connòschere su mundu de traballu giaponesu, comente as relatadu e in ue as traballadu?

No est bènnidu bene deretu. Sa manera de traballare issoro e diferente de su totu dae sa nostra, traballant meda pro prodùere pagu pro neghe de protzesso produtivos istentosos. In sas cumpannias mannas tenent una istrutura piramidale assoluta, nemos bolet a si nche leare responsabilidades in so sèberos, duncas atopos chi no acabant mai pro non congruire nudda. Pro bona sorte mea custu non pertocat a su traballu meu: s’azienda in ue traballo est mesana e sa comunicatzione est prus orizontale e fàtzile. Comente campos traballo unu pagu in totu, mescamente web e visual, e cada tantu vìdeu e fotografia. B’at semper ite fàghere meda, semper e cando. Inoghe b’at traballu meda, meda ite fàghere, finas a cambiare traballu benit bene. Ma petzi si connosches su giaponesu. A dolu mannu custu est s’iscrammentu chi tocat de prànghere. Pro custa cajone so comintzende a andare a una iscola ca comente limba est mala de imparare mesche a sa sola.

Est ladinu chi non podet mancare una acarada intre Italia, mancari prus a notu sa Sardigna, e s’èsteru.

Cun sa Sardigna non si podet fàghere unu cunfrontu. Bastat a nàrrere petzi, pro esempru, chi su Giapone tenet su sensu de s’unidade e totus traballant a s’economia de su Paisu e non a s’ortigheddu issoro seghende sas ancas a sa concurrèntzia. Depo sighire? Cun s’Italia beh…inoghe si avalorat su traballu. Si b’at crisi, ismènguant sas tassas. Si b’at una istrantagiada, sas tassas non nche bàrigant su liminàrgiu de su 10%. Sas tassas, chi sunt artas, las pagant totu cantos. Fintzas s’ambulante tzinesu, chi bendet durches in sa bia ti faghet s’iscontrinu. Proite pro primu si lu podet permìtere bidu chi sas tassas non sunt gasi iscranniosas, e segundu casi non faghes s’iscontrinu ti nche bogant dae su Paisu. B’at de annànghere chi non so desciriende unu paradisu, inoghe puru bi sunt situatziones paradossales, peroe paret chi totu inoghe funtzionet, totu torrat.

TokyoConta·nos carchi cosa de curiosu chi t’est capitadu e chi t’at ispantadu mancari pro more de sa diferèntzia culturale manna.

Una de sas cosas chi benint prus male a fàghere inoghe est a tènnere tratamentu  cun calicunu, non in su sensu de connòschere gente -  chi benit bene dae luego – ma pròpriu in su cuntzetu de amistade. Issos non t’intendent comente “amigu”, mai. Ses e as a èssere semper unu istràngiu. Connosco italianos, frantzesos, sudamericanos chi istant inoghe dae 10, 15 annos e non tenent unu amigu giaponesu. O a su prus nde tenent petzi unu. Paret paradossale ma est prus fàtzile a agatare una fellatio chi unu amigu! A s’ispissu sa manera issoro de s’ispassiare est ridìcula.  Issos pagant unu muntone de dinari pro fàghere cussu chi nois faghiaiamus a gratis in sas festas de su litzeu. Nche so paradu in logos chi ammàniant custa casta de faestas in ue t’imbriagas e ti ponent in mesu a gioghiteddos eròticos cun femineddas chi si faghent apurpare, e pro issos e sa cosa mègius de sa vida. Sunt solos meda: eris so andadu a su cìnema cun una amiga mea e in sa sala su bonu de sas gente fiant pitzocas, a sa sola, su sàbadu sero. Balet sa règula de sas tres birras, a sa de tres, sunt sos frades o sas sorres tuas chi ti contant totu e t’ant a èssere amigos pro totu sa vida. S’incràs iscumparent.

Traduzione da: Dalla Sardegna al Giappone: viaggio tra due isole con Enrico Ciccu

3 dicembre 2014

Powered by CoalaWeb

Accesso utenti e associazioni