Percorso

Girare unu curtzu: "Insane" de Marco Maria Correnti

Traduzioni di Tore Cubeddu - Su regista pitzinnu sitzilianu contat a Cinemecum s’amore suo pro su cìnema – tra istùfios in su DAMS e sas primas provas de regia. de Luisa Mulè Cascio

Marco Maria CorrentiA s’ispissu, in su perìodu de crisi chi est colende su Paisu nostru, si chistionate meda de sas ismenguadas chi sa cultura at prantu e in su chi no est possìbile, dae banda de artistas e professionistas de su mundu de s’ispetàculu, de giùghere a in antis progetos de calidade e capia.

Insane” (tìtulu provisòriu) furriat a s’imbesse unu pagu custu meledu, oferende a su pùblicu unu curtzumetràgiu de calidade arta e profundidade psicològica de giudu, giradu dae unu regista pitzinnu, Marco Maria Correnti, chi atistantargiadu a gastu nudda una troupe de professionistas locales (intre sos cales essit a craru su nùmene de Rosario Neri, diretore de sa fotografia de importu palermitanu), e unu cast artìsticu sitzilianu ùnicu: dae Salvo Piparo, special guest, a Dario Frasca, a Gero Guagliardo, ad Annandrea Vitrano, a Roberta Murgia.
Galanas finas sas lcation, partzidas intre Palermo e Misilmeri, in ue si denotant meda afriscos palermitanos nodidos, comente  Villa Whitaker, set de su film Johnny Stecchino de Roberto Benigni.
Su contu girat a indùrriu de Guido Accorsi (interpretadu dae Dario Frasca), unu giornalista, chi, partzidu tra su traballu e sa vida coniugale sua cun Alessandra (Annandrea Vitrano) bolet iscrucullare prus a fundu subra s’acuntessimentu de unu fulanu Ispettore Riva (Salvo Piparo), como isnserradu in una clìnica privada. Agiudadu dae s’amigu politziotu Stefano (Gero Guagliardo), Guido at a resessire a s’agatare cara a cara cun Riva, unu mamentu tòpicu chi at a mudare s’anare de sos eventos…
Proponimus a sos letores de Cinemecum.it (../), una intervista esclusiva a su regista Insane, Marco Maria Correnti (Fotografias de Alessandro Alaimo, cinematographer)

''Insane''Nos contet su percursu suo professionale e sa carriera sua.
Apo comintzadu a traballare comente atore in su 2003 in su film “Miracolo a Palermo” de Bappe Cino. Dae tando apo cumpresu chi su cìnema fiat totu sa vida mea… Apo fatu de prus cursos de recitatzione sighende a traballare comente atore pro su cìnema, sa televisione e su teatru pro paritzos annos. Custu m’at dadu sa possibilidade de traballare cun atores e registas de importu chi m’ant insinnadu meda a beru. In s’interis de su percursu professionale meu, peroe, apo intesu su bisòngiu de mi mòere siat a in antis chi a segus de sa màchina de presa. Gasi, a pustis de sa maturidade clàssica, mi fia iscritu a su cursu de làurea in su DAMS (Disciplinas de sas Artes, de sa Mùsica e de s’Ispetàculu), in ue mi so laureadu. In s’interis istudiende in s’Universidade apo andadu a s’iscola de cìnema “Michele Mancini”, ue aia pigadu su diploma in regia e diretzione de su dopiàgiu. Apo diretu si film de diploma “B-alarm” e dae tando apo traballadu in paritzos film, istende siat a palas chi in antis de sa màchina de presa, comente aia semper bisadu de fàghere, assistende finas a sa regia a paritzos mistros, a ùrtimu a Pippo Gigliorosso in su film suo “Ore diciotto in Punto”.

Comente naschet su progetu pro su curtzumetràgiu “Insane”?
Totu fiat inghitzadu dae unu bisu fatu una note, in ue fiat cumpartu su personaggiu printzipale, Guido. Aia iscritus’iscenegiadura de “Insane” belle duos annos a como, ma mi l’intendia galu a tesu. Comente chi no esseret mea. Gasi aia seberadu de la lassare in su calàssiu finas a cando no aere agatadu ideas noas chi li deghiant de prus a cussu chi m’agradaiat a contare, chi prus esserent a curtu a sa dinàmica narrativa chi tenia in conca e chi non resessia a espressare. Lòmpidu a s’obietivu meu, apo isbetadu dae pòdere tènnere a disponimentu unu cast siat tècnicu chi artìsticu de professionistas de giudu, a manera de m’assegurare pru scalidade, dae sos trucos a sos costùmenes, etc… Apo isbetadu intre de totus a su maistru Rosario Neri, diretore de sa fotografia, ca mi fia deretu abbigiadu chi su percursu narrativu chi lu depiat rapresentare sa lughe non fiat simple pro nudda de acumprire. Una borta chi sa troupe mea fiat pronta apo seberadu de comintzare sas ripresas.

''Insane''Cales sunt istados sos sèberos regìsticos pro sa rèndida de su curtzumetràgiu?
Una màchina de presa chi abbàidat in intro de s’ànimu de su personàgiu printzipale, chi contat sos istados de ànimu suos pro mèdiu de prospetivas e sugestiones. Su pùblicu est giutu a sighire onni mossa sua, onni sentidu suo. David Howard diat chistionare de “Macchina da presa onniscente”. Naradu custu, deo non bàgiulo sos “barochismos” e sos ghirigori registicos chi non serbint a su contu, e duncas apo castiadu de prus a una regia essentziale e lìmpia, chi dat a s’ispetadore sa possibilidade de lèghere a intro de sas incuadraduras sena èssere tropu isbeliadu dae estetismos invasivos e pagu de giudu.

Cale est istadu su traballu pro sa resa psicològica de sos personàgios?
Cun su personàgiu printzipale, interpretadu dae dario Frasca, gasi comente cun totu sos àteros, amus traballadu de a beru meda. Nos semus atopados prus bortas in antis de comintzare sas ripresas, amus provadu e torradu a provare. Su traballu non fiat simple. Issos sunt istados ispantosos e deo ispero de èssere istadu atretu de fàghere essire dae s’interpretatzione issoro cussu chi dia chèrrere aribbet a su pùblicu.

''Insane''Comente est istadu, a parre bostru, su de traballare cun sa troupe e cun su cast artìsticu pro fàghere su curtzumetràgiu?
Traballo cun custa troupe comomai dae unos cantos annos. Creo chi mi potza permìtere de nos mutire una iscuadra. Traballamus in armonia e simbiosi. Su set andat a in antis belle de sesi. Nos ispassiamus e traballamus a sa sèria. Comente torro a nàrrere tèngio sa bona sorte de tènnere a curtzu professionistas de livellu bonu e pessones ispantosas dae su ghetu umanu. Pro custu devenit simple cando sunt custas sas cunditziones.

Cale at a èssere su benidore de su curtzumetràgiu?
Su curtzu l’amus a giùghere su prus possìbile a intro de sos circùitos natzionales e posca…chi l’ischit…

Cales ant a èssere sos progetos imbenientes suos?
Como creo chi mi tochet a torrare subra sos libros pro pigare s’ispecialìstica in “Teatru, cìnema e ispetàculu multimediale”; a pustis pigadu sa prima làurea mi so abbigiadu chi non s’acabat mai de istudiare e imparare, pro custu chèrgio meda a pigare sa segunda làurea. Pro su chi pertocat su traballu apo giai una idea subra una iscenegiadura noa. Custa borta at a èssere unu longumetràgiu, dae ue peroe nd’apo a bogare a campu unu curtzumetràgiu…

Traduzione da Girare un corto: Insane di Marco Maria Correnti

3 dicembre 2014

Powered by CoalaWeb

Accesso utenti e associazioni